Ministri i Forcës së Sigurisë së Kosovës (MFSK) Rrustem Berisha   priti sot në takim zyrtar atasheun belg të mbrojtjes, kolonelin Yves Cuvelier.

Ministri Berisha dhe atasheu i mbrojtjes Cubelier nga Belgjika kanë diskutuar lidhur me  mundësitë e bashkëpunimit bilateral në lëmin e sigurisë në mes të Ministrisë dhe FSK-së  dhe autoriteteve homologe belge si dhe zgjerimin e këtij bashkëpunimi edhe në fusha tjera që janë me interes për dy vendet, njofton ministria.

Berisha e ka njoftuar uvelier  me zhvillimet e përgjithshme të FSK-së, sukseset gjatë trajnimeve dhe operacioneve të ndryshme si brenda dhe jashtë vendit, përfshirë integrimin e pjesëtarëve të komuniteteve në FSK.

Po ashtu, është përmendur edhe  bashkëpunimin ndërkombëtar me NATO-n, KFOR-in, NALT-in, Gardën  Kombëtare të Ajovës ku dhe ka falënderuar shtetin e Belgjikës për përkrahjen e vazhdueshme në rrugëtimin e shtetit tonë.

Cuvelier ka shprehur falënderim për mikpritjen e  ministrit Berisha,  duke e përgëzuar për punën e deritanishme të tij në veçanti, si dhe për të arriturat e MFSK/FSK në përgjithësi për çfarë ka premtuar thellim të bashkëpunimit edhe në të ardhmen.